نصائح للعريس قبل الزواج. . . .

نصائح للمعرس :

هذي النصايح تهمكم ليلة العرس وذاكروها زين قبل يوم الزفة
اكيد لاحظتوا ان مواضيع الاعراس دايما تركز على العروس: على ملابسها ، على مكياجها على صحتها ، على اعصابها و.و.و... ,,,
والعريس المسكين محد جايب خبره ماغير ادفع وانت ساكت

لذلك جرى التنويه لما يلي:

تضامنا مع اخواننا المساكين المقبلين على الزواج واللي محد واقف جنبكم اهدي اليكم هذه النصائح قبل العرس بشهرين

تاكد انك سويت الاشياء التاليه:

هديه بسيطه(مش بسيطه اوي ) تهديها لعروستك في اول يوم عسل
تجهيز كل الحاجيات لبيت الزوجيه

قبل العرس باسبوع:

لاتحلق ابدا لمدة اسبوع كامل ، علق ثيابك في بيتك مو تروح طرزان ، ثوب العرس والبشت جاهزين ، ادواتك الشخصيه كامله وجاهزه ، فرشاه اسنان ، ماكينه الحلاقه ، عطوراتك ، ملابسك الخاصه ، بيجاما ، روب نوم فوق البجاما حق الكشخه. نظف وجهك بالبخارقبل اسبوع من العرس ( علشان مايطلع وجهك منفخ في العرس) ، حجز موعد عند الحلاق علشان حلاقه ومساج و الخ الخ الخ

يوم العرس:

خذ كفايتك من النوم ، بعد ماتقوم خذلك دوش دافي وتفرك زين
روق بالك وعقلك ، وفكر في افكار حلوه ورايقه علشان ينعكس الروقان على وجهك ، (يعني لا تروح العرس وانت مكشر او مرتبك او او او.). تغدى كويس لا تطيح علينا في العرس وتفشلنا
عشاء مافي ، لاتحلم انك تاكل في الليل علشان تكون خفيف ياخفيف
(في واحد من مشفوح وتعشى قبل العرس وجاله تسمم من الاعصاب ليلتها ، وقضى الليله مابين الحمام والحمام ، وكانت ليله مايعلم فيها الا ربنا).
بخر الثوب والبشت وهدومك اللي بتلبسها كلها ، روح موعدك للحلاق وخليه يسويلك حلاقه معتبره ومساج علشان يروح أي ضغط عصبي وريلاكس .

روح لعرسك بدري مو تحسب نفسك معزوم
وتروح متاخر (يعنني اتغلى)

لحظه الدخول لصاله النساء للقاء العروس:

سمي بالله ، ارسم ابتسامه حلوه ، وجه عيونك لعروستك اللي قاعده في الكوشه

اجلس جنبها وامسك يدها بشويش مو تضغط عليها كنك خايف وماسك ايد امك
ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك .
بس خلاص نادوا الناس للعشاء وكل واحد يروح بيته
وقتها معليش تحمل شوي قصة التصويرلأنها مهمة للعروس وكلها ليلة وحدة ما حتتكرر

ومباركين عرس الاثنين
، لا لا لا لحظه لاتروحون ،
ياخي خليك رومنسي شوي وشيلها قبل لاتدخلون الغرفه ، خللي دمك خفيف شوي علشان تشيل الحواجز بينكم ويروح الاحراج والخوف.
حظ سعيد لكل العرسان

Admin عدد الرسائل : 524 تاريخ التسجيل : 20/12/2007

وحظ سعيد لكل العرسان
نصايح مهمة صحيح واشوى احد جاب خبرنا Smile

مشكورة اختي