عسى حفار لقبر يرفض يسوي فوق مقدرته

مساء الخييييييير جميعا،،،
اخباركمـ ان شاء الله ماتشكووون بأس؟؟

القصيده قالها شاعر عن حبيبته اللي خانته ورضيت بغيره بس هالقصيده لاتعني انها تتكلم عن البنت بس لا سوف توجه للكل سواء للحبيب او الحبيبه يعني ( له او لها )

ثلاث سنين انا اخطط لهذا اليوم يابو سعود............تيسرحالي وجاهز اوفي وعدي بوقته

وفجاه جتني تتعذر تقول تاخرت الوعود............وانا مستغرب واسمع كأني وعدها خنته

حسبت انها تمازحني وتتصنع جفا وصدود......ضحكة بوجهها من قلب معنها بايخه النكته

وقالت ارضى بالواقع قلبي ماهو المعهود......تغير كل شي صوبك نصيبي ما اظن انته

كنت بيوم محبوبي ولكن ما اظن انعود........وصل من قبل ما توصل وانا ذاك الصبر عفته

ولكن تكفه صدقني ويشهد ربي المعبود..........ترى ما خنتك بغفله ولا كلمته وشفته

صراحه اهلي قالو لي بانه ولد اصل وجود.....وجتني امه بالصوره وبكلمات المدح اخته

سكت وقلت هي فرصه مادام الجود من الماجود....وقالو كل من حولي علامات الرضى سكته

وانا فكرت دام امه واخته ماعليهم زود.....اكيد اني براضيهم اذا وافقت واخترته

واراضي اهلي واخواني مدام ان الفرح مقصود.....عطيت الناس انا كلمه ومعاهم وقتي حددته

ولا اقدر اغيرها ترى عند العرب منقود.....اوافق واعتذر باكر واقول رايي غيرته

تبي تشرح لي المنقود تصدق عاد يابو سعود....تبيني اقتنع وارضى بحال(ن)عمري ماعشته

انا ماني بقايلها عسى يفرش ثراها ورود.....بعد ما حطمت قلبي وطعم الموت جربته

عسى بفستانها اشواك وفي ثوبه عقارب سود....ونار تحرق الكوشه وتحرق بيتهم حته

وموت بليلة الدخله يبرد حرتي ياكود....ولا احس انها بحضنه يلامس خد لامسته

على اهون اذا ماتو ولابنفس السرير رقود....ترى صعب علي اني اتخيل اللي ماتخيلته

عسى قاع الثرى يقسى ويتحول صخر جلمود.....وحفار القبر يرفض يسوي فوق مقدرته

ترى دفنت عديم الذات تلوع حتى جبد الدود....ومن خان العهود ومات تعافه حتى مقبرته

عسى ربي يجازيهم بحبل من مسد ممدود....يعلقهم من اطرافه وفوقه نار(ن) وتحته

انا ماني حقود وشين ولاني من نسل نمرود....ومن حط نفسه بوضعي بقول اللي انا قلته

مادام الفعل له ردت فعل والله ابشري بردود....بدعي دامني حي (ن)وابضرس للدعى نبته

وابسقيها نزيف القلب ودمع مارحم الاخدود....وتكبر والثمر ثاري من اللي خانني وصنته

انا نذر علي اكتب وافجرهالقصيد رعود.....واسمع كل بشر صوتي عجبته والا زعلته

واردد للي يسمعني اذا حبيت حط حدود....انا حبيت دون حدود وشوف اللي تكبدته

ثلاث سنين انا ابني وجت صورة بكل برود.....خذت مني شقى عمري وحلم(ن) قلت حققته

ثلاث سنين وانا اخطط لهذا اليوم يابوسعود...وتوافق من كلام اخته وصوره اربعه فسته

اتمنى ان تكون نالت رضاكم والله يبعد الخيانه عنا وعنكم ولاييحكم بشباكها...

كلام قوي جدا
مشكورة اختي

العفو اخويـ ...
بصراحة جزى الخاينـ اكثر من الكلام..
وهذا مجرد بس تعبير عن حرقة القلب..

الله يبعد عنا الخيانه..